Hvað er Quartz?

Quartz yfirborðsefni eru unnin úr náttúrulegum kvarssandi (ca 97%) sem blandað er við sérstakt límefni (ca 3%). Úr verða stórir flekar sem hægt er að vinna með, rétt eins og granít eða marmari.

Munurinn liggur þó helst í því að quartz yfirborðsefnin hafa hærra hörkustig, drekka ekki í sig vökva og hægt er að fá þau í mismunandi litum (ýmist náttúrulegum litum eða með sérstökum íblöndunarefnum).

Ef við lítum eldsnöggt á jarðfræðina, þá er kvars ein algengasta steindin í yfirborði jarðar og afar algeng á Íslandi. Kvars finnst t.d. í súru storkubergi sem frumsteind, sem þýðir að hún kristallast beint úr bergkviku, eða sem síðsteind, sem verða til þegar steindir í eldra bergi hvarfast við utanaðkomandi efni, t.d. vatn eða andrúmslofti. Kvars hefur afar hátt hörkustig - eða 7 af 10 á hörkukvarða Mohs - og rispast því mjög erfiðlega. Yfirleitt eru kvarssteindir hvítar eða gráleitar.

Primastone borðplöturnar eru framleiddar undir ströngu gæðaeftirliti í vönduðum ítölskum vélum af fyrirtæki með 30 ára reynslu í steinsmíði. Við hjá Stöfnum bjóðum upp á mikið úrval fallegra lita og munstra, ásamt því að sérsníða allt quartz yfirborðsefni nákvæmlega að þínum þörfum.